According to the Bol-anons

Ni Cicer M. Binghay

  Matod pa sa mga Bol-anon. hadya-hay kaayo kon ikaw napiling Sangguniang Panglungsod nga nahapundok sa napiling mayor sa dakbayan, kon ang maong mayor hilig  mayoriya negosyo, minos sa serbisyo. O negosyo saksakan sa gamay'ng serbisyo. Ngano man?

  Matod gihapon sa mga Bol-anon, dili na sila maghago, kining mga Sangguniang Panglungsod pagpulaw mga bulohaton lungsodnon, kay tanan nga gusto sa ilang mayor kon unsay prohekto nga makasak-sak negosyo sa usa ka serbisyo o tukoron pasilidadis, human-daan na. Igo lang ipresentar ug idja-idja kanila mao na lamang ang pagpirma sa ilang pag aprobar sa tanan.

  Mao diay nga hadja-hay sila karon kaayo mga Sangguniang Panglungsod sa dakbayan. Walay gulo-gulo, ni timik, maghulat unsay itinga nga mga kagustohan buhaton sa mayor dayon taplak sa gikinahanglan nilang mga pirma ug presensiya sigon sa gimando nahalangkob sa Local Government Code R.A. 7160 Powers, Duties, Functions and Compensations. (1) Approve ordinancies and pass resolutions necessary for an efficient and effective city government. Xxx."

  Lagi kay atong mga Sangguniang Panglungsod walay mga timik sa bisan unsa diha sa ilang hawanan sesyonan. Ilang segurohon lamang kanunay nga anaa sila 100% nanambong matag session. Human hadja-hay na…makapadayon sa ilang naandan nga panginabuhi o profession. Permaninti mga pensionado sa isweldo sa pagka piniling konsehales sa dakbayan.

  Nagpasabot nga ang nagsunod-sunod napiling mayores sa dakbayan sa Dipolog adunay malisod tukion nga anting-anting nga makatukoy sa ilang ginsakopan. Maantigo moamoma alang sa ilang katungod. Talagsaon kaayo nga panahon sa piniliay, tanan nga mahadangop sa ilang bando o makasilong sa taliwala sa ilang payong, mahaja-hay gyod nga mahauban sa kadaugan. Ang mahasukwahi, malas lang. Dili gyod makapilas. Dili makasulod pagka konsehal sa dakbayan.

  Mao kini ang nakahatag dako nga kaayohan sa dakbayan sa Dipolog. Kining modernong paagi sa duroha nagsunod-sunod pagka mayor nga nag mugnag mga ginsakopan sa mga "manageable" kanang mga tawo mga humok, gyod goyod-goyoron nga mga hiniktan ang tagsa-tagsa ka mga ilong. Nga kon unsay gusto buhaton sa mayor, sobra pa sa magic, "presto" aprobado dayon, kumpleto tanang mga gikinahanglan kalagdaan sa gahom sa balaodon.

  Tuod wala malangan ang dugang pangutang salapi isumpay sa Dipolog Boulevard ikaduhang hugna, laing pag-utang salapi alang itukod sa Dipolog Sports Complex nga mao nay han-okanan sa nagkalain-laing pasunding ug pasundayag sa pagugnat sa kusog o mga programa kultora sa dakbayan. Dugang salapi sa Galas Feeder Port nga gihimong tuig-tuig pahatan gumikan sa tinuig danyos mahimo sa panahon mutokar ang habagat. Bahala na kon hangtod sa kahangtoran ang maong pagpahat salapi sa maong prohekto nga klaro walay kahumanan o walay kaugmaon magpadayon, basta pirmi ang tako diha ang negosyo-serbisyo alang sa kaayohan sa lungsod ug lungsoranon.

  Husto usab karon ang tanang mga bagni-timgas, dunay dagkog kwalipikasyones mga ginsakopan sa Sangguniang Panglungsod karon nga dili magpakita sa ilang pagkatinuod pagkatawo ug baroganan. Pagka karon kaha nag-utong-utong sila. Nagpaabot kanus-a nga sila adunay mga kahigayonan nga makatayada alang sa ilang kaayohan o paghatag katumanan sa ilang mga pangandoy. Ilang gitumong karon diha na lamang sa pagtigom mga pilak ug bulawan. Nahibalo  sila nga kon matapos sa kining namunoan nga naa tanan kon salapi hisgotan, kining atong mga maayong laking mga Sangguniang Panglungsod nasayod nga dili pa sila maka alta-kontra. Bisan unsaon nila, walay usa atong nakita nga makagula sa koral nga ginsakopan sa mayor nga magpalain o kaha makig atbang niining umaabot piniliay 2010.

Husto ang miingon nga "wanted" fiscalizer diha sa Sangguniang Panglungsod sa dakbayan sa Dipolog. "Wanted" tingog sa katawhan sa Dipolognon diha sa atakan balaoranan. (Press Freedom, Vol. XX No. 40)

  Credits: Press Freedom is published every Saturday and entered as 3rd class mail matter in Dipolog City. Printed by Young Printing Press with Editorial Office located at Upper Turno, Dipolog City. Tel. No. (065) 212-4343 or 212-6665